క్రైస్తవులకు అత్యంత పవిత్రమైన రోజుల్లో ఒకటి! గుడ్ ఫ్రైడే ఎందుకు జరుపుకుంటారు?

గుడ్ ఫ్రైడే – త్యాగానికి ప్రతీక: గుడ్ ఫ్రైడే అనేది క్రైస్తవులకు అత్యంత పవిత్రమైన రోజుల్లో ఒకటి. ప్రతి సంవత్సరం ఈస్టర్‌ కు ముందు వచ్చే శుక్రవారం రోజున ఈ పండుగ జరుపుకుంటారు. ఈ రోజు ప్రభువు యేసు క్రీస్తు తనను తాను అర్పించుకున్న రోజుగా చెప్పుకుంటారు. 

గుడ్ ఫ్రైడే అంటే ఏంటి: యేసు క్రీస్తు తన జీవితాన్ని మానవాళి యొక్క పాపా విమోచనం కోసం త్యాగం చేసిన రోజు ఇది. ఆయనను గోల్గొతా అనే స్థలంలో శిలువపై వేసి శిక్షించారు. యేసు చేసిన ఈ త్యాగమే మానవత్వానికి దారి చూపించింది. క్రైస్తవులు ఈ రోజును ప్రార్థన, ఉపవాసం మరియు ధ్యానంతో జరుపుకుంటారు. 

ఆధ్యాత్మిక ప్రాముఖ్యత:
ఇది మనుషులకు క్షమాశీలత, ప్రేమ, త్యాగం వంటి విలువలను నెర్పుతుంది. యేసు తనపై జరిగిన అన్యాయాన్ని ధైర్యంగా ఎదుర్కొన్నారు. ఆయన శిలువ మరణం తరువాత తిరిగి వచ్చిన రోజును ఈస్టర్ పండుగ గా జరుపుకుంటారు. 

గుడ్ ఫ్రైడే నాడు జరిగే ఆచారాలు: క్రైస్తవ దేవాలయాల్లో ప్రత్యేక ప్రార్థనలు, బైబిల్ పారాయణం, శిలువ మార్గం (Way of the Cross), ఉపవాసం, మౌనచింతన, దయ, సేవ, సహనానికి ప్రాధాన్యత ఇవ్వడం ఈ రోజున జరుగుతాయి. 

గుడ్ ఫ్రైడే అనగానే “గుడ్” అనే పదం ఆశ్చర్యాన్ని కలిగించవచ్చు, ఎందుకంటే ఇది ఒక విషాద దినం. కానీ, యేసు చేసిన త్యాగం మానవాళికి మోక్ష మార్గం చూపినదిగా భావించటం వలన దీనిని "గుడ్ ఫ్రైడే"గా పిలుస్తారు. 

గుడ్ ఫ్రైడే ఒక విచారకరమైన సంఘటన మాత్రమే కాదు, అది మనిషి పట్ల దేవుని అమితమైన ప్రేమకు గుర్తు. ఈ రోజు మనలో ప్రేమ, క్షమ, సేవ, త్యాగబుద్ధి వంటి గుణాలను పెంపొందించుకోవాలనే సందేశాన్ని అందిస్తుంది. ఆంధ్రప్రవాసీ తరపున అందరికీ గుడ్ ఫ్రైడే శుభాకాంక్షలు. 

ఆంధ్ర  ప్రవాసి గ్రూప్ లో జాయిన్ అవ్వండి:

Whatsapp group

Telegram group

Facebook group